2027-yil hosili uchun urug‘lik don tayyorlash ishlari boshlandi
O‘zbekiston Respublikasi Vazirlar Mahkamasining 2026-yil 11-iyundagi 304-son qaroriga muvofiq, 2026-yil hosilidan bug‘doy xarid qilish hamda ichki bozorni bug‘doy bilan barqaror ta’minlash maqsadida Urug‘chilikni rivojlantirish markazi tizimidagi Best Seeds MChJlariga jami 74 383 tonna urug‘lik don jamg‘arish vazifasi belgilangan. Ayni paytda hududlarda urug‘lik donni jamg‘arish ishlari izchil davom ettirilmoqda.
Jumladan, «Buxoro Best Seeds», «Uchqo‘rg‘on Best Seeds», «Motrid Best Seeds» va «Urganch Best Seeds» MChJlarida tinim davrini o‘tagan urug‘lik donlarni qayta ishlash jarayonlari boshlandi. Tayyorlangan urug‘lik donlar 2027-yil hosili uchun sifatli urug‘lik zaxirasini shakllantirish maqsadida shartnomalar asosida vernalizatsiya qilish uchun sovitkichli omborxonalarga joylashtirilmoqda. Mazkur ishlar kelgusi mavsumda yuqori hosildor va sifatli bug‘doy yetishtirish uchun mustahkam zamin yaratadi.
Photo gallery
News
Oqqo‘rg‘onda urug‘lik paxta hosili yig‘ib olinmoqda
Toshkent viloyati Oqqo‘rg‘on tumanidagi Oqqo‘rg‘on elita urug‘chilik xo‘jaligida 1-yillik urug‘lik ko‘chatzoridan oilaviy terim usulida paxta hosilini yig‘ib olish jarayonlari olib borilmoqda.
O'rta Chirchiqda paxtaning elita urug‘lik maydonlarida yakka tanlov ishlari olib borilmoqda
Toshkent viloyati O’rta Chirchiq tumanidagi “O’rta Chirchiq” elita urug‘chilik xo‘jaligida paxta hosilini yig‘ib-terib olishga tayyorgarlik doirasida muhim urug‘chilik tadbirlari amalga oshirilmoqda.
Navoiy viloyatida urug‘chilik ishlari davom etmoqda
Navoiy viloyati Karmana elita urug‘chilik xo‘jaligida paxta terimiga tayyorgarlik ishlari olib borilmoqda. Jumladan, paxta maydonlarida yo‘lakchalarni ochish hamda terim jarayonini sifatli tashkil etishga tayyorgarlik ko‘rilmoqda.