Qoraqalpog'istonda urug'lik don tayyorlash jarayonlari o'rganilmoqda
Urug’chilikni rivojlantirish markazi direktori o’rinbosari Bahodir Mo’ydinov boshchiligidagi ishchi guruh ayni kunlarda hududlarda 2027-yil hosili uchun urug’lik don tayyorlash, saqlash va vernalizatsiya (yarovizatsiya) jarayonlarini o’rganmoqda.
Navbatdagi o’rganishlar Qoraqalpog’iston Respublikasida o’tkazilib, bu yerda 2027-yil hosili uchun jami 12 ming tonna urug’lik don jamg’arilgan. Shuningdek, o’tgan yillardan qolgan 1 ming 640 tonna dorilangan hamda 202 tonna dorilanmagan urug’lik don zaxirasi ham mavjud. Vazirlar Mahkamasining 2026-yil 11-iyundagi 304-son qaroriga muvofiq, hududda 12 ming tonna urug’lik donni vernalizatsiya qilish maqsadida sovitkichli omborxonalarda saqlash ishlari tashkil etilmoqda.O’rganishlar davomida urug’lik tayyorlash tizimidagi qator kamchiliklar ham aniqlandi.
Xususan, urug’lik donni sovitkichli omborlarga joylashtirish uchun ayrim korxonalar bilan shartnomalar to’liq rasmiylashtirilmagani, urug’lik dorilash mavsumida ishchi eritmalar tayyorlash uchun Karantin agentligi mutaxassislari biriktirilmagani ma’lum bo’ldi. Aniqlangan kamchiliklarni qisqa muddatlarda bartaraf etish maqsadida ishchi guruh tomonidan mas’ullarga aniq topshiriqlar berildi. Jumladan, ikki kun ichida urug’lik tayyorlash korxonalarini mavsumga to’liq shay holatga keltirish, bir kun muddatda sovitkichli omborlar bilan shartnomalarni yakunlash, urug’lik don uchun qop, kimyoviy preparatlar va tagliklar zaxirasini yaratish, sifatni baholash markazi bilan zarur shartnomalarni rasmiylashtirish, korxonalarda 3 smenali ish tizimini yo’lga qo’yish hamda belgilangan grafik asosida urug’lik tayyorlash va sovitkichli omborlarga joylashtirish ishlarini jadallashtirish topshirildi.
Shuningdek, ishchilar uchun maxsus kiyim, issiq ovqat va zarur maishiy sharoitlarni yaratish bo’yicha ham tegishli ko’rsatmalar berildi.
Фотогалерея
Новости
Oqqo‘rg‘onda urug‘lik paxta hosili yig‘ib olinmoqda
Toshkent viloyati Oqqo‘rg‘on tumanidagi Oqqo‘rg‘on elita urug‘chilik xo‘jaligida 1-yillik urug‘lik ko‘chatzoridan oilaviy terim usulida paxta hosilini yig‘ib olish jarayonlari olib borilmoqda.
O'rta Chirchiqda paxtaning elita urug‘lik maydonlarida yakka tanlov ishlari olib borilmoqda
Toshkent viloyati O’rta Chirchiq tumanidagi “O’rta Chirchiq” elita urug‘chilik xo‘jaligida paxta hosilini yig‘ib-terib olishga tayyorgarlik doirasida muhim urug‘chilik tadbirlari amalga oshirilmoqda.
Navoiy viloyatida urug‘chilik ishlari davom etmoqda
Navoiy viloyati Karmana elita urug‘chilik xo‘jaligida paxta terimiga tayyorgarlik ishlari olib borilmoqda. Jumladan, paxta maydonlarida yo‘lakchalarni ochish hamda terim jarayonini sifatli tashkil etishga tayyorgarlik ko‘rilmoqda.