ISHCHI GURUH O'RGANISHLARI
Joriy yil 11-iyun kuni Paxtachilik kengashidan iborat ishchi guruh tomonidan Qashqadaryo viloyatida paxta maydonlarida o‘tkazilayotgan agrotexnik tadbirlarning borishi, shuningdek g‘o‘zaning rivojlanish fazalarini o‘rganish maqsadida o‘rganishlar olib borildi.
Ma’lumki, viloyatda 2026-yil hosili uchun 129,3 ming gektar maydonda paxta ekilgan bo‘lib, fermer xo‘jaliklari va klsaterlar tomonidan ilg‘or innovatsion agrotexnologiyalar asosida g‘o‘za parvarishlanmoqda.
Aksariyat paxta maydonlarida olib borilayotgan agrotexnik tadbirlar, jumladan, “Shinjon” texnologiyasi asosida plyonka ositga tomchilatib sug‘orish joriy qilingan qo‘sh qator usulda ekilgan paxta maydonlari o‘zining ijobiy samarasini ko‘rsatmoqda. Biroq, ayrim hududlarda g‘o‘za parvarishida ilmiy asoslangan tavsiyalarni qo‘llashda o‘zboshimchalik bilan noto‘g‘ri tadbirlar amalga oshirilishi hisobiga g‘o‘zaning rivojlanish fazalari orqada qolayotgan maydonlar ham kuzatilmoqda.
Jumladan, Mirishkor tumani Mirishkor hududidagi “Mirishkor mo‘jizasi” fermer xo‘jaligiga qarashli 20 gektar maydonda g‘o‘zaning xorijiy “Xin Lu Zao 72” navi ekilgan bo‘lib, ushbu maydonda g‘o‘za qarovsiz ahvolda, argotexnik tadbirlar o‘z vaqtida amalga oshirilmaganligi sabali g‘o‘zaning rivojlanishi juda qoniqarsiz ekanligi aniqlandi.
Paxtachilik kengashi raisi Ibrohim Abduraxmonov tomonidan Paxtachilik kengashining viloyat ishchi guruh a’zolarini ushbu hududga biriktirib, g‘o‘zaning vegetatsiya davrida oziqlanishini to‘g‘ri tashkil etish, mineral va organik o‘g‘itlardan ilmiy asosda foydalanish, sug‘orish rejimini aniq belgilash hamda zararkunanda va kasalliklarga qarshi kurash choralarini o‘z vaqtida amalga oshirish yuzasidan ko‘rsatmalar berildi.
Foto galereya
Yangiliklar
Oqqo‘rg‘onda urug‘lik paxta hosili yig‘ib olinmoqda
Toshkent viloyati Oqqo‘rg‘on tumanidagi Oqqo‘rg‘on elita urug‘chilik xo‘jaligida 1-yillik urug‘lik ko‘chatzoridan oilaviy terim usulida paxta hosilini yig‘ib olish jarayonlari olib borilmoqda.
O'rta Chirchiqda paxtaning elita urug‘lik maydonlarida yakka tanlov ishlari olib borilmoqda
Toshkent viloyati O’rta Chirchiq tumanidagi “O’rta Chirchiq” elita urug‘chilik xo‘jaligida paxta hosilini yig‘ib-terib olishga tayyorgarlik doirasida muhim urug‘chilik tadbirlari amalga oshirilmoqda.
Navoiy viloyatida urug‘chilik ishlari davom etmoqda
Navoiy viloyati Karmana elita urug‘chilik xo‘jaligida paxta terimiga tayyorgarlik ishlari olib borilmoqda. Jumladan, paxta maydonlarida yo‘lakchalarni ochish hamda terim jarayonini sifatli tashkil etishga tayyorgarlik ko‘rilmoqda.