Namangan viloyati urug‘lik paxta maydonlarida 1-dala ko‘rigi davom etmoqda
Namangan viloyatidagi elita urug‘chilik xo‘jaliklarida g‘o‘za urug‘chiligi bo‘yicha muhim agrotexnik tadbirlar izchil amalga oshirilmoqda. Xususan, mutaxassislar tomonidan elita xo‘jaliklarida urug‘lik paxta maydonlarining «1-dala ko‘rigi», avlodli urug‘lik ekin maydonlarida esa «2-monitoring» ishlari olib borilmoqda.
Monitoring jarayonida Namangan tumanidagi Qozoqjon Soliyev MMTP hududida joylashgan «Namangan Elita urug‘chilik» xo‘jaligining 7 gektar maydondagi «MG-26» navi, shuningdek, Uychi tumanidagi «Mirishkor» MMTP tasarrufidagi elita xo‘jaliklarida «MG-26» va «Ravnaq-1» navlarining urug‘lik ko‘paytirish maydonlari batafsil ko‘zdan kechirildi.
Dala ko‘riklari davomida ekinlarning nav tozaligi, rivojlanish holati va agrotexnik tadbirlarning bajarilishi baholanib, mutaxassislar tomonidan zarur tavsiyalar berildi. Jumladan, ayrim maydonlarda sug‘orish hamda ikkinchi oziqlantirish ishlarini o‘z vaqtida amalga oshirish lozimligi ta’kidlandi. Bunday monitoring va dala ko‘riklari urug‘lik paxtaning sifat ko‘rsatkichlarini ta’minlash, yuqori avlodli urug‘lik yetishtirish hamda kelgusi mavsum uchun sifatli urug‘lik fondini shakllantirishda muhim ahamiyat kasb etadi.
Foto galereya
Yangiliklar
Oqqo‘rg‘onda urug‘lik paxta hosili yig‘ib olinmoqda
Toshkent viloyati Oqqo‘rg‘on tumanidagi Oqqo‘rg‘on elita urug‘chilik xo‘jaligida 1-yillik urug‘lik ko‘chatzoridan oilaviy terim usulida paxta hosilini yig‘ib olish jarayonlari olib borilmoqda.
O'rta Chirchiqda paxtaning elita urug‘lik maydonlarida yakka tanlov ishlari olib borilmoqda
Toshkent viloyati O’rta Chirchiq tumanidagi “O’rta Chirchiq” elita urug‘chilik xo‘jaligida paxta hosilini yig‘ib-terib olishga tayyorgarlik doirasida muhim urug‘chilik tadbirlari amalga oshirilmoqda.
Navoiy viloyatida urug‘chilik ishlari davom etmoqda
Navoiy viloyati Karmana elita urug‘chilik xo‘jaligida paxta terimiga tayyorgarlik ishlari olib borilmoqda. Jumladan, paxta maydonlarida yo‘lakchalarni ochish hamda terim jarayonini sifatli tashkil etishga tayyorgarlik ko‘rilmoqda.