PAXTA, G’ALLA URUG’LIKLARI EKSPORTI BO’YICHA HAMKORLIK ALOQALARI KUCHAYMOQDA
Bugun Urugʻchilikni rivojlantirish markazi direktori Shuhrat Otajonov Tojikiston qishloq xo’jaligi vazirligi delegatsiyasi bilan uchrashuv oʻtkazdi. Muloqot davomida ikki tomonlama hamkorlikni kengaytirish, urugʻchilik yoʻnalishida tajriba almashish va o‘zaro manfaatli loyihalarni yoʻlga qoʻyish masalalari muhokama qilindi. Uchrashuv Markazning xalqaro aloqalarni mustahkamlash borasidagi izchil sa’y-harakatlarining yana bir muhim qadami boʻldi.
🟢Ma’lumki, yaqinda Toshkentda bo‘lib o‘tgan Markaziy Osiyo davlatlari rahbarlarining yettinchi Maslahat uchrashuvi doirasida qator kelishuvlarga erishilgan edi. Mazkur uchrashuv ushbu muloqotning amaliy natijasi sifatida Tojikiston vakillari tomonidan g‘alla va paxta urugʻliklarini import qilish bo‘yicha taklif va istiqbollarni batafsil koʻrib chiqish imkonini berdi. Тomonlar kelgusida samarali hamkorlikni chuqurlashtirishga kelishib oldilar.
Yangiliklar
Oqqo‘rg‘onda urug‘lik paxta hosili yig‘ib olinmoqda
Toshkent viloyati Oqqo‘rg‘on tumanidagi Oqqo‘rg‘on elita urug‘chilik xo‘jaligida 1-yillik urug‘lik ko‘chatzoridan oilaviy terim usulida paxta hosilini yig‘ib olish jarayonlari olib borilmoqda.
O'rta Chirchiqda paxtaning elita urug‘lik maydonlarida yakka tanlov ishlari olib borilmoqda
Toshkent viloyati O’rta Chirchiq tumanidagi “O’rta Chirchiq” elita urug‘chilik xo‘jaligida paxta hosilini yig‘ib-terib olishga tayyorgarlik doirasida muhim urug‘chilik tadbirlari amalga oshirilmoqda.
Navoiy viloyatida urug‘chilik ishlari davom etmoqda
Navoiy viloyati Karmana elita urug‘chilik xo‘jaligida paxta terimiga tayyorgarlik ishlari olib borilmoqda. Jumladan, paxta maydonlarida yo‘lakchalarni ochish hamda terim jarayonini sifatli tashkil etishga tayyorgarlik ko‘rilmoqda.